Lihim na Pagtingin

Lihim na Pagtingin

Ni: Allie

Sa isang iglap ay biglang nabago,

Ang puso kong sabik sa iyo.

Hindi akalain na ito’y manunumbalik,

Sapagkat ito’y iyong pinagkait.

Noon pa man ay iniibig na kita,

Ngunit ayaw ko itong ipakita.

Ako’y kinakabahan at natatakot,

Pagkatao ko’y balot ng lungkot.

Sa pag-amin ko ng aking pagtingin,

Nitila di niya man lang ito napansin.

Sa bawat oras na lumilipas,

Pangalan niya ang aking binibigkas.

Ala-ala nang una naming pagkikita,

Ay biglang namutawi sa tuwi-tuwina.

Ako’y umaasa na sana’y maging tayo,

Pagkat itong pag-ibig ko’y laan para sayo.