Di Maaari is a tagalog poem written by Mia and shared with The Ugly Writers under the theme Quell for the month of January
Di Maaari
Kailan kaya susuko
Ang puso kong sayo nahulog
Umibig sa maling oras at pagkakataon
Hindi ko naman kayang pigilan
Puso kong sayo lang muli umibig
Sa bawat ngiti
Kasabay nito’y pighati
Sa bawat tawanan at kulitan
Kasabay nito’y luha sa pusong nagluluksa
Alam kong di mo kayang ibigay
Pagmamahal na aking binibigay
Hindi dahil meron kang iba
Kundi dahil di maaari
Hindi pwede…
Mundo nati’y magkaiba
Parang langit at lupa
Ikaw ang langit at ako ang lupa
Pinagtagpo pero di tinadhana
Sa ating nasimulan
Nasimulang pagkakaibigan
Na ninais kong maging ka-ibigan
Ngunit di maaari
Hindi maaari
Sapagka’t ito’y panandilian lamang
Pagtatagpong may limitasyon
Pagkakaibigang may hangganan
Alam kong kailangan kong bumitaw
Kailangan kang palayain
Pagmamahal sa pusong kong kailangan kong patayin
Heto na ang oras
Ang oras nang pag suko
Ng puso kong sayo nahulog
Sa pag ibig na kailanman ay di maari.
By: SimpleMe
