Tahan Na is a tagalog poem written by Julie Ann Baynosa and shared with The Ugly Writers under the theme Master of my Fate, Captain of my Soul for January
Ang tulang ito ay para sa mga pinipiling maging matapang sa araw-araw na paglalakbay patungo sa paghilom ng puso. Alam kong hindi madali, pero alam kong kaya ‘nyo itong ipanalo sa dulo. Mabuhay kayo! ☺️💪
Tahan na
Pagkat panahon ay handang damayan ka
Handang intindihin ang mga takot na mayroon ka
Hindi kailanman babalewalain ang iyong nadarama
Sa ngayon pagtiwalaan lang muna
Ang prosesong sa’yo’y nakahanda
Tahan na
Huwag mawalan ng pag-asa
Dahil puso mo’y karapat-dapat sumaya
Sa lahat ng sakit ay lubusang makalaya
Tahan na
Huwag kalimutang ikaw
ay may itinatagong yaman at ganda
Sa tamang tao wala ng dapat patunayan pa
Ikaw ay laging sapat o maaring higit pa
Tahan na
Pasasaan ba’t maghihilom rin
ang sakit ng mga alaala
Maiintindihan mo rin kung bakit
sa ngayon ay kailangan mong mag-isa.
