Kwadrong Kalawakan is a tagalog poem written by R.R. Dais and shared with The Ugly Writers under our September theme called Organized Chaos

Kwadrong Kalawakan

Sa kwadrong ito ng usok at nota

Pinupuno ko ang gutom na sikmura

Habang nilulunod ng iba ang gunita

Kay San Miguel at GI Colt –

Ramdam ko ang pagka-ulila sa iyo.

Nililibang ang sarili sa pagbalik sa nakagawian:

Mga alaala ng pluma at panaginip na gising

Saksi sa inip, lungkot, at pagod ng ibang

Mga kaluluwang naririto sa loob.

Animo’y mga ibong hapo at nananahan

Panandalian mula sa unos, sa labas

Upang bukas ay harapin muli

Ang aspaltong kalawakan.

Monumento, Caloocan

Hulyo 2012

Read more works from R. R. Dais here on The Ugly Writers: