Kung ang kamay ko ay kusang lumalapit sa mga kamay mo hahawakan mo ba ito?
Kung ang paa ko ay sadyang sumusunod sa mga paa mo sasabayan mo ba ako?

Para tayong hangin na kusang magpaparamdam ng lamig na nanunuot sa ating kalamnan at naghahanap ng init na papatay sa ginaw na ating nararamdaman.

Kung ang puso ko ay mananatiling humahabol sa pagmamahal mo ako ba ay tatangapin mo?
Kung ang buhay ko ay ilalaan ko lamang para sayo ako ba ay hahawakan at yayakapin mo?

Para tayong usok na nakakasulasok pero mananatiling nalalanghap sa araw araw na nagdaan. Ako ba ay hahalikan at dadamayan sa anumang problema na ating pagdadaanan? Hawak kamay ba nating haharapin ang bukas na may halong pighati at pagasa sa hinaharap?

Ikaw at ako kahit ano man tayo noon, ngayon at sa mga susunod na panahon, magkasundo man o hindi sa bawat desisyon iisa ang hangarin ng ating mga puso ang mahalin ang bawat sandali na meron tayo sa pagsikat man o sa paglubog ng araw. Mananatiling ikaw lamang ang hinahangad sa pagsapit ng bagong liwanag.