instrumento theuglywriters

Instrumento

Kelan kaya na ang solusyon ay kusang kakatok sa aking pintuan At papapasukin nang buong hospitalidad na para bang bisitang galing sa ibang bayan Pilipinas bumangon ka at tutulungan kita Upang ang aking kabataan ay magkaroon ng halaga.

Napakagulo ng mundong ginagalawan ko
Ilang beses mang tumakbo at lumayo
Bumabalik pa din ako dito
Ano ba’ng meron sa malungkot na kinatatayuan ko?

Maraming nabubuwisan ng buhay
Araw-araw ay may namamatay
Magulo ang isipan, maraming tanong ang bumabalot sa aking katauhan
Bakit pa kailangang mabuhay kung dito rin lang naman ang kababagsakan?

Pilipinas, nasaan ka na?
Puntahan dati ng mga turista ngayon ay mga rebelde na
Asan na ang mga magagandang ilaw na sumasabog sa kalangitan tuwing gabi?
O natakpan na ng usok ng bomba na pinapasabog nang walang sabi-sabi?

Asan na ang mga palangiting tao na iyong pinagmamalaki?
Sila na ngayo’y puno na ng lungkot at ng pighati.
Asan na ang kalayaang pinaglaban ng mga bayani?
Kung sa simpleng bagay pa lamang ay wala na tayong makuhang karapatan sa mga opisyal na tiwali.

Pilipinas, papalubog na ba ang araw mo sa bandilang iwinawagayway nang may yabang?
At ang mga bituin mo ba ay nawalan na ng liwanag dahil sa mga ulap na humaharang?

Kelan kaya na ang solusyon ay kusang kakatok sa aking pintuan
At papapasukin nang buong hospitalidad na para bang bisitang galing sa ibang bayan
Pilipinas bumangon ka at tutulungan kita
Upang ang aking kabataan ay magkaroon ng halaga.

 

Life and Works of Rizal
PRE161

Illustrados
Sarte, Lavinia
Larga, Renz
Nierva, Joannie
Legaspi, Calvin
Cullamco, Kimberly

Default image
Sarte Lavinia

Subscribe to The Ugly Writers

Signup today for free and be the first to get notified on new updates.

Leave a Reply

Please Login to comment
  Subscribe  
Notify of