Saan aabot ang pangarap na makita ka?
Kelan dadating ang panahon na makakasama ka?
Taon ang lumipas simula ng magkakilala.
Taon na din ang nagdaan ngunit di pa rin pinagtatagpo
ng tadhana ang ating mga landas.

Pinangarap at inasam na makaharap ka
ngunit sadyang dikta ng panahon na ilayo ka.
Lumipas ang ilang taon na araw araw
kausap ka, kakwentuhan ka,
ngunit wala sa isip mo na ako’y
nabibighani na sayo.

Dadating ba ang araw na mahahawakan ko
ang iyong mga kamay, mayayakap ka tuwing
ikaw ay nalulumbay.
May tadhana kayang nakalaan para sa
ating dalawa o hanggang dito na lang sa
makabagong teknolohiya ang makapiling ka.

Dumadaan ang araw, lumilipas ang oras,
nanunuot ang lamig sa katawang inaasam ang iyong init.
Hanggang kelan magiging ganito,
hanggang kelan makukuntento sa mensahe na
natatanggap ko sa inbox ng aking telepono.

Kuntento ka ba na hanggang dito lang tayo?
Inaasam mo din ba ang aking samyo?
Mananatili na lang bang nakakulong sa iskrin ng ating mga telepono?
Mapagod na sana ang tadhana at pagtagpuin na sana tayo.