Pagbitaw is a tagalog poem written and shared by Vanessa Enfectana to The Ugly Writers for the month of March 2020.

Pagbitaw

Nakatitig sayong mga mata

Malinaw na nakikita

Pero nandyan ka pa nga bang talaga

O nadadala lamang sa ilusyon nitong mga mata

Na nandiyan ang litrato ng ikaw sa bawat umaga

Sa relasyong…

Papalabo ng papalabo ang dating malinaw

Unti unting ang init ay sinasakop ng ginaw

Nagpupumiglas, lumalaban sa papawalang ikaw

Ayoko! Hindi pa ako handang bumitaw

Mahal kita

Mahal pa rin kita

Pero mahal, masaya ka pa nga bang talaga?

O ako nalang ang napiprisinta

Sa relasyong unti unti ng nasisira

Hindi mo naman kailangang sambitin pa

Dahil naisampal na sa akin ang katotohanan noong gabing hindi ka nagsalita

Noong panahon na hinahanap kita

Alam ko na, pero mahal, hindi pa ako handa.

Nag iilusyon

Na sa bawat pagpilit kong ipinta kang muli’y mababalik ang kulay ng nakalipas na panahon

Na baka luminaw ang papalabong repleksyon

At baka sakaling maayos pa tong relasyon

Ngunit Hanggang saan

Hanggang kailan

Ang pagkapit sa kawalan

Hanggang saan

Hanggang kailan

Ako magdadahilan

Tatakbo’t hahabol sayo

Kaya’t pakiusap ikaw muna’y huminto

Patitigilin ng panandalian ang mundo

Hayaan mo muna akong haplusing muli ang mukha mo

Sa relasyong…

Papalabo ng papalabo ang dating malinaw

Unti unting ang init ay sinasakop ng ginaw

Nagpupumiglas, lumalaban sa papawalang ikaw

Ayoko. Hindi pa ako handa… Pero mahal… Wala na kong magagawa… kundi ang bumitaw.

Kung naibigan mo ang likhang Filipino na Pagbitaw, basahin ang iba pang gawang tagalog dito: